Sailchuacha (Viola)

Tá naoi shailchuach (planda sa ngéineas Viola) dúchasach in Éirinn, agus roinnt hibridí ag fás fiáin anuas ar an bhfigúir sin. Aithnítear iad mar gheall ar na duilleoga croí-chruthacha nó duán-chruthacha, agus na bláthanna uathúla, neamhshiméadracha, le cúig pheiteal orthu. Bíonn spor neachtair suntasach ag na bláthanna corcra, bán, agus ildaite a bhíonn ar shailchuacha.

Tá siad i measc na gcéad plandaí a bhláthaíonn san earrach, agus is minic iad a fheiceáil ar thaobh an bhóthair, i ngarrantaí féir, nó i scáth na coille. Ní bhíonn sé éasca idirdhealú a dhéanamh idir speicis éagsúla, agus ní chabhraíonn sé go hibridíonn siad lena chéile ach an oiread.